भिगवण प्रकरणात तरुणीचा स्पष्ट निर्णय; कोर्टात आईकडे जाण्याची इच्छा, सुरक्षिततेला प्राधान्य
बारामती/संपादक-(विकी आगम)
भिगवण येथील चर्चित प्रकरणात संबंधित तरुणीने न्यायालयात स्वतःची भूमिका स्पष्ट करत आईकडे जाण्याची इच्छा व्यक्त केली आहे. तिच्या या निर्णयामुळे प्रकरणाला नवे वळण मिळाले असून, मुलीच्या सुरक्षिततेला आणि मानसिक स्थितीला महत्त्व दिले जात असल्याचे दिसून येत आहे.माहितीनुसार, यापूर्वी बारामती येथे झालेल्या सुनावणीदरम्यान तरुणीने वेगळी भूमिका घेतली होती. मात्र त्यानंतर काही दिवस स्वतंत्र वातावरणात राहिल्यानंतर तिने आपला निर्णय बदलला. पुढील सुनावणी इंदापूर अतिरिक्त सत्र न्यायालय येथे व्हिडिओ कॉन्फरन्सद्वारे पार पडली.सुनावणीवेळी न्यायालयाने तिची इच्छा विचारल्यानंतर तरुणीने कोणताही दबाव नसल्याचे सांगत आई आणि मामाकडे जाण्याची तयारी दर्शवली. त्यानुसार न्यायालयाने तिला आईच्या ताब्यात देण्यास मान्यता दिल्याची माहिती समोर आली आहे.या संपूर्ण प्रकरणात तरुणीने वेळोवेळी आपली भूमिका मांडण्याचा प्रयत्न केला असून, तिच्या निर्णयाचा आदर होणे गरजेचे असल्याची भावना व्यक्त केली जात आहे. कुटुंबासोबत राहण्याची इच्छा व्यक्त करून तिने स्वतःच्या सुरक्षिततेला आणि भविष्यास प्राधान्य दिल्याचेही मानले जात आहे.दरम्यान, या प्रकरणातील पुढील तपास आणि न्यायालयीन प्रक्रिया सुरू राहणार असून, संबंधित सर्व बाबींचा सखोल विचार करून अंतिम निर्णय घेतला जाईल, अशी माहिती सूत्रांकडून मिळत आहे.
मुख्य संपादक -सूरज(विकी)आगम
उपसंपादक-( विवेक साळुंके )
