हम गजवा-ए-हिंद करेंगे !बोरीऐंदीत घरात घुसून दहशत; कोयत्याचा धाक दाखवत २४ वर्षीय तरुणीचे अपहरण
२५ हजारांची रोकड लुटल्याचा आरोप; विरोध करणाऱ्या कुटुंबीयांना काठ्यांनी मारहाण, जीवे मारण्याची धमकी देत तरुणीला चारचाकीतून नेले
दौंड/यवत प्रतिनिधी
दौंड तालुक्यातील बोरीऐंदी येथे घरात घुसून शस्त्रांचा धाक दाखवत दहशत निर्माण केल्याची धक्कादायक घटना समोर आली आहे. घरातील २५ हजार रुपयांची रोकड जबरदस्तीने घेऊन, कुटुंबीयांना काठ्यांनी मारहाण करत २४ वर्षीय तरुणीचे जबरदस्तीने अपहरण केल्याचा गंभीर आरोप करण्यात आला आहे. या प्रकरणी यवत पोलिसांत चौघांविरुद्ध गुन्हा दाखल करण्यात आला आहे.
रात्री घरात घुसले चौघे
फिर्यादी विकास बबन झुरंगे यांच्या तक्रारीनुसार, ३० ऑगस्ट २०२६ रोजी रात्री साडेदहा वाजण्याच्या सुमारास ते मुलगा ओमकार आणि २४ वर्षीय मुलीसोबत घरात होते. त्यावेळी घराचा दरवाजा ठोठावण्यात आला. दरवाजा उघडल्यानंतर साहिल मोहम्मद तांबोळी, मोहम्मद तांबोळी, कैफ शेख आणि अब्दुल शेख हे चौघे घरात घुसल्याचा आरोप आहे.
त्यांच्या हातात लोखंडी कोयता आणि लाकडी काठ्या असल्याचे तक्रारीत नमूद करण्यात आले आहे.
कपाटातून २५ हजार रुपये घेतल्याचा आरोप
आरोपींनी जुन्या वादाचा राग मनात धरून घरातील कपाटात ठेवलेली घरखर्चाची २५ हजार रुपयांची रोकड जबरदस्तीने काढून घेतल्याचा आरोप आहे.
यानंतर आरोपी साहिल तांबोळी याने फिर्यादीच्या २४ वर्षीय मुलीला जबरदस्तीने ओढून नेण्याचा प्रयत्न केल्याचे तक्रारीत म्हटले आहे.
मुलीला वाचवताना कुटुंबीयांवर हल्ला
मुलीला वाचवण्यासाठी व तिचे अपहरण रोखण्यासाठी फिर्यादी आणि त्यांचा मुलगा ओमकार यांनी विरोध केला. यावेळी आरोपींनी त्यांना लाकडी काठ्यांनी मारहाण केल्याचा आरोप आहे.
यानंतर आरोपींनी लोखंडी कोयत्याचा धाक दाखवून जीवे मारण्याची धमकी दिली आणि २४ वर्षीय तरुणीला जबरदस्तीने चारचाकी वाहनात बसवले. त्यानंतर आरोपी तरुणीला घेऊन घटनास्थळावरून पसार झाल्याचे तक्रारीत नमूद आहे.
“हम गजवा-ए-हिंद करेंगे” अशी धमकी दिल्याचा आरोप
या संपूर्ण प्रकारादरम्यान आरोपींनी “हम गजवा-ए-हिंद करेंगे” अशी धमकी दिल्याचा गंभीर आरोपही फिर्यादीने केला आहे. या कथित वक्तव्यामुळे परिसरात खळबळ उडाली असून, पोलिसांकडून या आरोपाचीही चौकशी केली जात आहे.
तरुणीचा शोध सुरू
घटनेनंतर कुटुंबीयांनी नातेवाईक तसेच परिसरात २४ वर्षीय तरुणीचा शोध घेतला. मात्र तिचा ठावठिकाणा लागला नाही. अखेर १ सप्टेंबर २०२६ रोजी यवत पोलीस ठाण्यात तक्रार दाखल करण्यात आली.
याप्रकरणी यवत पोलिसांकडून अपहरण झालेल्या तरुणीचा तसेच संशयित आरोपींचा शोध सुरू आहे. पोलीस निरीक्षक संतोष वसंत यांच्या मार्गदर्शनाखाली पोलीस उपनिरीक्षक सुवर्णा संभाजी गोसावी या प्रकरणाचा पुढील तपास करत आहेत.
दरम्यान, तरुणीचे अपहरण केल्यानंतर तिच्यासोबत नेमके काय घडले, याबाबत तक्रारीत अधिक माहिती नमूद नसून, पोलिसांच्या तपासानंतरच त्याबाबत स्पष्टता येणार आहे. तसेच “गजवा-ए-हिंद”च्या कथित धमकीसह तक्रारीतील सर्व आरोपांची पोलिसांकडून पडताळणी सुरू आहे.
मुख्य संपादक -सूरज(विकी)आगम
उपसंपादक-( विवेक साळुंके )
