हिंदू मुलींना टार्गेट करण्याचा कट? नाशिक TCS प्रकरणाने महाराष्ट्र हादरला
बारामती/संपादक-(विकी आगम)
नाशिक : राज्यभर चर्चेत असलेल्या नाशिक TCS प्रकरणामुळे महाराष्ट्रात मोठी खळबळ उडाली आहे. हिंदू मुलींना मानसिक दबाव, धार्मिक प्रभाव आणि कथित धर्मांतराच्या जाळ्यात ओढण्याचा प्रयत्न झाल्याचे गंभीर आरोप समोर आल्यानंतर हिंदुत्ववादी संघटना आक्रमक झाल्या आहेत. या प्रकरणातील मुख्य आरोपी निडा खान हिच्यासह काही जणांविरोधात पोलिसांनी गुन्हे दाखल केले असून तपास वेगाने सुरू आहे. तपासादरम्यान काही धक्कादायक माहिती समोर येत असल्याची चर्चा असून या प्रकरणात राजकीय संरक्षण होते का, याबाबतही प्रश्न उपस्थित होऊ लागले आहेत. तक्रारीनुसार, काही पीडित महिलांवर धार्मिक प्रथा स्वीकारण्यासाठी दबाव टाकला जात होता. तसेच हिंदू देवी-देवतांबद्दल आक्षेपार्ह वक्तव्ये करून मानसिक प्रभाव निर्माण करण्याचा प्रयत्न झाल्याचे आरोप करण्यात आले आहेत. या प्रकरणामुळे सोशल मीडियावर संतापाची लाट उसळली असून कठोर कारवाईची मागणी जोर धरत आहे. दरम्यान, AIMIM संबंधित काही नावांची चर्चा समोर आल्यानंतर राजकीय वातावरणही तापले आहे. हिंदुत्ववादी संघटनांनी या संपूर्ण प्रकरणाची सखोल चौकशी करून आरोपींवर कठोर कारवाई करण्याची मागणी केली आहे. “हिंदू मुलींना लक्ष्य करणाऱ्यांना माफी नाही,” असा इशाराही काही संघटनांकडून देण्यात आला आहे. दुसरीकडे, पोलिसांकडून तपास सुरू असून अधिकृत निष्कर्ष अद्याप समोर आलेला नाही. त्यामुळे सोशल मीडियावर व्हायरल होणाऱ्या प्रत्येक दाव्याची अधिकृत पुष्टी झालेली नसल्याचे पोलिस सूत्रांनी स्पष्ट केले आहे. सध्या संपूर्ण राज्याचे लक्ष या प्रकरणाच्या पुढील तपासाकडे लागले असून आणखी मोठे खुलासे होण्याची शक्यता व्यक्त केली जात आहे.
मुख्य संपादक -सूरज(विकी)आगम
उपसंपादक-( विवेक साळुंके )
